*mimolover* Admin
عدد المساهمات : 152 تاريخ التسجيل : 14/09/2009 العمر : 37 الموقع : www.google.com
| موضوع: نصيحة لكل البنات الإثنين سبتمبر 14, 2009 1:28 pm | |
| بحبك وحشتينى لأ انتى قلبى و نور عينى
معلش حقك عليه واللهى مش بأديه
اسطوانه شغاله ليل نهار
حب بجنان يخلى العقل يحتار
يدوب القلب ينسى أى مرار
اهتمام مش عادى يخلى الجبال تنهار
محبه وحنان شوق رهيب جبار
طول اليوم فى أجمل حكايات
يخليها ليلى أو سندريلا أو شهرذاد
لحد ما الحلوه تقع فى ايديه و تبطل عناد
يتباهى و يتنمنظر باللهى هوه فيه
دايما معاها .. موبايل ع الميل تلاقيه
البيه بيحب بضمير بس أوعى تطلب تفسير
عايز يفرح و يعيش يقضى بس وقت
ينسى كل اللى هوه قاله لما تحط حد
مابيفكرش غير فى نفسه وفى حاله
مغرور معزور ماتعرفش ايه جراله
بس البنت هى الضحيه .. حياتها بتتقلب مش طبيعيه
بتدى الثقه بتدى الأمان و يطلع الحب كأنه ماكان
نصيحه و بقولها فكروا كويس يا بنات
فى شباب محترم و فى شباب تفاهات
اللى ماجربش يخلى باله كويس من الحكايات
اللى ماجربش يقول لنفسه الحب أفعال مش روايات
اللى ماجربش يتأكد ان من القلب طالعه الكلمات
اللى ماجربش مايصدقش كلمه و غنوه و شوية ضحكات
اللى ماجربش مايديش الأمان مادام فى احتمالات
اللى ماجربش يحط دايما قدامه انه مش أد تضحيات
اللى ماجربش لازم يعرف ان الصدق أقصر الطرقات
واللى جرب مايحزنش وأهو بيكتسب خبرات
اللى جرب مايبكيش و يقول العمر فات
اللى جرب يشكر ربه بدل ماكان الوقت فات
اللى جرب يكون سعيد انه أقوى فى الأزمات
اللى جرب ينسى الماضى و يستكتر عليه الآهات
اللى جرب هو أدرى أد ايه كانت كبيره المسافات
اللى جرب يداوى قلبه واللى جرحه يعتبره مات
نصيحه و بقولها فكروا كويس يا بنات
فى شباب محترمه كتيييييييييييييييييييييييي
ييييييير و فى شباب تفاهات | |
|