اسمعوا حكايتى

اسمعوا حكايتى دى حكاية كبيرة
قعدت فترة مدتها قصيرة
كان ياماكان حبيت انسان
حبيته حب جنان وحبنى حب فوق الخيال
فى قلبه بنالى اكبرقصر
اعيش فيه انا هو وبس
رسمنا فيه احلى الاحلام
وعشنا فيه اجمل ايام
وانا جمبه عشت فى السما
وفى حبه انا طرت طير فى الهوا
فى حبنا حبينا الحب
وقولنا كلام من جوا القلب
اتعهدت قلوبنا على الوفاء
وحلفت مايكون فى فراق
غصبن عن قلبى خان العهد
قال لازم نمشى وندوق البعد
فى بعده انا شفت الويل
ومن بعده سهرت الليل
ودمعى مابقى يفارق العين
سامحنى ياعمرى يااجمل قصتى
دا انا من بعدك محدش هيدخل دنيتى
هتشوف ولا حتى هيسمع همستى
دانا الحب خلصته معاك
ومحال فى يوم هنسى هواك
عارفة آه انى جارحاك
بس لو عرفت هتبكى على حالى
نفسى تقولى احكى وتسمع موالى
مش تقولى منك لله وروحى لليالى
هى اللى تداويكى وسبينى فى حالى
دا انت قولت فى لحظة جميلة
عمرى ماهدعى عليكى فى ليلة
ياريت تكون غصبن عنك عليا دعيت
دا انا عليك ولا مرة دعيت
امانة عليك قرب من ربك
هيبقى معاك وهو اللى هيداوى جرحك
وامانة عليك بالخير افتكرينى
وماتدعى عليا وسبنى للى بيحاسب يحاسبنى
بس قبل ماتمشى نفسى تسامحنى
وكمان اطمن عليك
واشيل بايدى الحزن من عنيك
عشان ابدأ صفحة جديدة برضاك
وتبدأ مشوارك وانا مش معاك

وفى النهاية وفى الختام
تسافر وترجع بألف سلام

خلاص خلصت حكايتى وقفل قلبى بمفتاحه نهايتى